Jamm, ég held bara hreinlega að vorið sé komið til okkar hérna í Óðinsvéum. Húfu- og vettlingalaus bæjarferð var einmitt farin í dag, fuglarnir sungu og loftið angaði af vori! Það er óskandi að vorið flýi ekki neitt núna og staldri við fram að sumri.
Fór í Bolighuset Bahne sem ekki fékk mig í minna vorskap. Þangað eru sumarvörurnar komnar. Allskyns bollar, diskar, glös og fínerí fyrir garðinn í sumar. Ummm... Ég hefði getað keypt alla búðina. Svo rölti ég mér einmitt yfir í Tante Grøn, sem er blanda af hönnunar- og hannyrðarverslun, rosa flott. Þar fjárfesti ég í lítilli prjónamaskínu handa dótturinni, enda varla ráð nema í tíma sé tekið að kenna barninu að prjóna. Þó hefði ég glöð viljað ganga út úr versluninni með töluvert stærri poka!
Megi þið eiga góða helgi!
Gerast áskrifandi að:
Birta ummæli (Atom)
1 ummæli:
Vonandi færðu vorið til að vera kyrrt, hér er að vísu +gráður en rok og hrollur. Þið eigið eftir að kaupa skrautlegt garðdót í sumar og borða úti á hverjum degi....það var a.m.k. alltaf svoleiðis hjá Sigrúnu systur Palla á Dalgasboulevard
Skrifa ummæli